samþykkt á aðalfundi sambandsins
29. júní 2000 og með breytingum
frá 5. júní 2003.
1. grein.
Samtökin heita Landssamband fiskeldisstöðva,
skammstafað LF og á ensku The Icelandic Aquaculture
Association, með heimili og varnarþing í
Reykjavík.
2. grein
Markmið samtakanna er að efla og styrkja fiskeldi
og hafbeit hér á landi og gæta hagsmuna
fiskeldisfyrirtækja. Að þessu verði
unnið m.a. á eftirfarandi hátt:
a) Marka stefnu í fiskeldi og hafbeitarmálum
og vera opinber málsvari fiskeldis í landinu.
b) Vinna að hagsmunamálum heildarinnar með
nánu samstarfi við aðila sem beint eða
óbeint hafa áhrif á fiskeldis- og hafbeitarmál
hér á landi.
c) Afla upplýsinga um markaði og miðla þeim
til eldismanna.
d) Leggja grunn að samræmdu gæðamati
afurða og framkvæmd þess.
e) Stuðla að fræðslu og miðla upplýsingum
til félagsmanna og almennings m.a. með útgáfu
fréttabréfs og tímarits.
3. grein.
Rétt til inngöngu í samtökin hafa
þau félög og einstaklingar sem stunda
fiskeldi eða hafbeit og uppfylla öll skilyrði
þar að lútandi samkvæmt íslenskum
lögum.
a) Á vegum LF eru starfandi faghópar á
sviði laxeldis (kvía-, skipti-, og strandeldi),
silungseldis (bleikja, regnbogi), hafbeitar og sjávardýraeldis.
Faghóparnir skulu vera stjórn LF til aðstoðar
við framkvæmd stefnu sambandsins á viðkomandi
sviðum.
b) Rétt til inngöngu í faghópa
LF hafa allir félagar í LF auk þess
sem þjónustuaðilar (fyrirtæki og
stofnanir) geta fengið inngöngu í faghópana
sem aukafélagar í LF.
c) Á fyrsta fundi faghópa ár hvert
skal hópurinn kjósa sér forsvarsmann
sem verður tengiliður við stjórn LF.
Allar tillögur og samþykktir faghópanna
skulu teknar til afgreiðslu af stjórn LF sem
er opinber málsvari LF í öllum málefnum
sambandsins.
d) Heimilt er að fjölga faghópum skv. ákvæðum
í lögum LF um lagabreytingar.
4. grein.
Við aðild í landssambandið er viðkomandi
háður samþykktum þess eins og þau
eru á hverjum tíma.
5. grein.
Áhugamenn um fiskeldis- og hafbeitarmál hafa
rétt til inngöngu í faghópa sem
aukafélagar í LF en án réttinda
og skyldna.
6. grein.
Sambandsfélaga ber að greiða árgjald
til landssambandsins. Árgjald telst vera gjald byggt
á framleiðslumagni fyrirtækjanna frá
fyrra ári, skv. eftirfarandi flokkun:
Fyrirtæki með framleiðslu 0-5
tonn eða 0-10 þús. gönguseiði
geta valið á milli aukaaðildar og greitt
50% af grunngjaldi eða aðildar sem fellur innan
0-25 tonn eða 0-50 þús. gönguseiði.
Ef um blandaða starfsemi (seiðaeldi/matfiskur) er
að ræða skal ávallt miða við
þann flokk sem gefur fleiri atkvæði.
Aðalfundur ákveður upphæð
árgjalds í samræmi við fjárhagsáætlun
næsta árs. Grunneining árgjalds er 1
atkvæði og síðan margfeldi í
samræmi við atkvæðamagn. Aðalfundur
ákvarðar upphæð vegna aukaaðildar
að LF, sbr.stoðgreinar og faghópar (3. gr.).
Gjalddagi árgjalds er 1. mars ár hvert.
7. grein.
Inntökubeiðnir og úrsagnir úr landssambandinu
skulu vera skriflegar og berast stjórn þess.
Miðast úrsögn við áramót
með minnst 6 mánaða fyrirvara. Aðildarfélagi
getur sætt brottrekstri úr landssambandinu
ef hann vinnur gegn hagsmunum þess. Brottrekstur getur
aðeins farið fram á aðalfundi.
Stjórn er heimilt að má nafn aðildarfélaga
af félagaskrá hafi hann eigi greitt árgjald
sitt fyrir árslok, enda hafi ákvöðin
þess efnis áður verið send í
ábyrgðarpósti. Í gerðarbók
stjórnar skal gerð viðhlítandi bókun.
Við úrsögn eða brottrekstur er ekki
unnt að gera tilkall til endurgreiðslu á
framlögum til landssambandsins né eigna þess.
8. grein.
Aðalfundur hefur æðsta vald í málefnum
landssambandsins. Hann skal haldinn fyrir lok septembermánaðar
ár hvert. Til aukafunda getur stjórnin boðað
þegar henni þykir þess þörf.
Stjórninni er skylt að boða til aukafundar
ef 1/3 aðildarfélaga eða tveir stjórnarmenn
óska þess skriflega og greina fundarefni. Nú
hefur stjórn sambandsins ekki boðað til fundar
innan 14 daga eftir að henni barst krafan, og geta þá
hlutaðeigandi sjálfír hvatt til fundar.
9. grein.
Til aðalfundar skal boða með minnst 14 daga
fyrirvara, en til aukafundar með minnst 7 daga fyrirvara.
Fundarboð skulu vera send í almennum pósti
og fundarefni tilgreint í fundarboði. Fundir
eru löglegir ef löglega er til þeirra boðað
og mættir eru fulltrúar minnst helmings atkvæðamagns
innan landssambandsins. Mæti ekki svo margir skal
fresta fundinum, þó ekki lengur en 7 daga,
og er sá fundur löglegur án tillits til
fundarsóknar. Úrslitum mála ræður
meirihluti atkvæði, þó þarf
3/5 greiddra atkvæða til að breytingar á
lögum sambandsins taki gildi. Lögum sambandsins
má aðeins breyta á aðalfundi, enda
sé þess getið í fundarboði að
tillögur til lagabreytinga verði lagðar fram
á fundinum. Skulu tillögur um lagabreytingar
hafa borist stjórn sambandsins svo tímalega
að hægt sé að senda þær
með fundarboði. Kosningarétt og kjörgengi
hafa skuldlausir félagar.
Fundargerðir skal rita í fundargerðarbók,
lesa og bera undir atkvæði í fundarlok
og síðan staðfesta með undirskrift fundarstjóra
og ritara. Reglur um tilhögun á fundinum skulu
settar í fundarsköpum sem stjórnin semur
og aðalfundur samþykkir, ella ráða
fundarsköp Alþingis.
10. grein.
Atkvæðisréttur sambandsfélaga skal
vera í samræmi við greitt árgjald
hverju sinni.
11. grein.
Á aðalfundi skal eftirfarandi tekið fyrir:
1) Skýrsla stjórnar um störf
sambandsins á liðnu starfsári og yfirlit
um störf á yfirstandandi starfsári.
2) Endurskoðaðir reikningar lagðir fram til
úrskurðar.
3) Lagabreytingar.
4) Kosning stjórnar, varastjórnar og endurskoðenda.
5) Fjárhagsáætlun næsta árs
og ákvörðun um árgjald.
6) Ákvörðun um laun stjórnar og endurskoðenda.
7) Önnur mál.
12. grein.
Stjórn sambandsins skipa 5 menn, sem kosnir eru á
aðalfundi til eins árs í senn, og 3 til
vara. Formaður er kosinn sérstaklega, en að
öðru leyti skiptir stjórnin með sér
störf-um. Skylt er að taka kosningu eitt kjörtímabil.
Formaður boðar til stjórnarfundar og er stjórnarfundur
lögmætur ef þrír stjórnendur
eru á fundi. Allar fundargerðir stjórnarinnar
skulu ritaðar í fundarbók og rita allir
viðstaddir stjórnendur undir. Stjórnin
boðar til aðalfundar og aukafundar, undirbýr
fundarmálefni, framkvæmir fundarályktanir
og annast störf milli funda, leggur fram fjárhagsáætlun
næsta árs, innheimtir gjöld til landssambandsins
og sér um greiðslur á útgjöldum
þess. Stjórnin gætir í öllu
hagsmuna landssambandsins og getur leitað réttar
í málefnum þess ef þörf krefur.
Stjórninni er heimilt að ráða framkvæmdastjóra
og annað starfslið til þess að annast
daglegan rekstur landssambandsins.
13. grein.
Endurskoðun reikninga hefur löggiltur endurskoðandi
sem aðalfundur kýs til eins árs í
sinn. Hann má hvorki vera í stjórn
né varastjórn landssambandsins. Endurskoðandi
skal sannprófa að reikningum landssambandsins
beri saman við bækur þess, enda á
hann hvenær sem er aðgang að öllum bókum
þess og skjölum, og er stjórninni skylt
að veita honum þær upplýsingar sem
eru nauðsynlegar við framkvæmd starfsins Ef
hann verður var við misfellur, er hann álítur
að sambandinu geti stafað hætta af, skal hann
hlutast til um að bót verði ráðin
á svo fljótt sem þörf krefur. Takist
það ekki skal hann kveða til fundar í
landssambandinu og bera málið þar til úrlausnar.
Reikningar sambandsins eru almanaksárið.
14. grein.
Nú þykir ráðlegt og nauðsynlegt
að leysa upp sambandið og fer þá tillaga
þar að lútandi sem um breytingar á
lögum þessum. Verði sambandið leyst upp
skal fjárreiðum þess skipt á milli
þeirra sem þá eru félagar þess
í hlutfalli við tillögu þeirra frá
þeim tíma, er þeir gerðust félagar.
