9.06.2008

Ný lög um fiskeldi taka gildi 1. júlí n.k. Gildissvið laganna taka til eldis vatnafiska og nytjastofna sjávar á íslensku forráðasvæði. Landssamband fiskeldisstöðva er hagsmunafélag fiskeldismanna á Íslandi. Í 4.gr., 3. mgr. í lögum um fiskeldi segir, "Fiskeldisstöðvar skulu hafa með sér samtök, Landssamband fiskeldisstöðva sem gæta sameiginlegra hagsmuna fiskeldismanna". Sjá lögin.....

3.06.2008

Aðalfundur LF var haldinn á Akureyri, föstudaginn 30. maí s.l. Hér má nálgast myndir frá fundinum og sjóferð í Eyjafirði.  Sjá myndir.....

Á fundinum var fjallað um stöðu íslensku bleikjunnar á alþjóðavettvangi og þorskeldi á Íslandi en Kristinn Hugason formaður nefndar um eflingu þorskeldis gerði grein fyrir störfum nefndarinnar. Í ávarpi ráðherra var m.a. gerð stuttlega grein fyrir nýsamþykktum lögum um þennan málaflokk og nýlegri úthlutun úr AVS-sjóðnum.  Sjá erindi Kristins og ráðherra.

Valdimar Ingi Gunnarsson sjávarútvegsfræðingur fjallaði um stöðu alþjóðlega stöðu bleikjunnar í dag, en Valdimar tók þátt á norrænni ráðstefnu í Noregi s.l. vetur. Sjá glærur...

Þórarinn Ólafsson verkefnastjóri fiskeldis hjá Hraðfrystihúsinu Gunnvöru hf fór yfir stöðuna í þorskeldi.  Sjá glærur....

7.12.2007

Þorskeldisráðstefna var haldin á Grand Hóteli 29 og 30. nóvember 2007 um stöðumat og stefnumótun fyrir þorskeldi skipulagt af fiskeldishópi AVS, sjá www.fiskeldi.is/thorrad.html

Guðbergur Rúnararsson framkvæmdastjóri Landssambands fiskeldisstöðva flutti erindi og gerði grein fyrir stöðu fiskeldis með aðal áherslu á arðsemi þorskeldis á Íslandi miðað við þorskeldið í Noregi. Skoða glærur... Lesa erindi....

1.06.2007

Erindi flutt á aðalfundi Landssambands fiskeldisstöðva sem haldinn var á Stað við Grindavík, 31. maí 2007:

  -Markaðsetning á íslenskri bleikju, Kristján Hjaltason.  Skoða glærur...

  -Styrkveitingar úr AVS Rannsóknasj. til fiskeldis, Validmar Ingi Gunnarsson.Skoða glærur....

  -Forvarnir í fiskeldi.  Rannveig Björnsdóttir.  Skoða glærur...

  -Nokkrar myndir sem teknar voru í ferðinni.  Skoða myndir...

27.04.2007

Nokkrar myndir frá kynningu á bleikju á sjávarútvegssýningunni í Brussel 24 til 26. apríl sem tókst afar vel.  Sjá myndir...

21.03.2007

Laxeldi í Berufirði verður hætt.   HB Grandi, aðaleigandi fiskeldisfyrir- tækisins Salar Islandica á Djúpavogi, hefur ákveðið að hætta laxeldi í Berufirði. Þess í stað hyggst fyrirtækið einbeita sér að tilraunaeldi á þorski. Sjá frétt

Slátrun eldisfisks á árinu 2006. Slátrun á eldisfiski nam 9.928 tonnum á síðasta ári á móti 8.359 tonnum 2005. Mest var slátrað af laxi, 6.895 tonnum, bleikju 1.426 tonnum, þorski 1.410 tonnum en minna af öðrum tegundum. Reiknað er með nokkrum samdrætti í eldi fyrir árið 2007 miðað við fyrri ár. Áætlað er að slátra um 6.800 tonnum 2007. Munar mestu um rúmlega 3.700 tonna samdrátt milli ára í laxeldi en 1.900 tonna aukning verður í bleikjueldi. Magntölur í fiskeldi er að finna undir Hagtölur/eldi.

18.01.2007

Tillögur vegna markaðsátaks í sölu á bleikju 2007 til 2009. Skýrsla og kynning sem Kristján Hjaltason vann fyrir LF með styrk frá AVS rannsóknasjóði í sjávarútvegi.

Skoða skýrslu Kristjáns.

Skoða kynning á skýrslunni.

27.11.2006
Lækkun fóðurkostnaðar í þorskeldi.  Komið hefur í ljós í verkefni styrkt af AVS að lækka megi próteininnihald í fóðri hjá þorski þegar hann er orðin 3-500g að stærð. Almennt er talið að fóður sé um 40-60% af heildarframleiðslukostnaði í þorskeldi og rótein í fóðri er dýrasti hluti þess.  Skoða fréttina...

30.10.06

Rúmlega 100 fiskeldismenn og gestir mættu á ráðstefnuna um framtíðarsýn og stefnumótun í íslensku bleikjueldi sem haldin var á Hótel Loftleiðum, föstudaginn 27. október 2006.  Skoða erindi sem voru flutt á ráðstefnunni.

10.10.06

Finnbogi Jónsson formaður LF tók við stöðu framkvæmdastjóra hjá Nýsköpunarsjóð atvinnulífsins um miðjan september s.l. Finnbogi tók við formennsku í félaginu af Vigfúsi Jóhannssyni í apríl árið 2004. Landssamband fiskeldisstöðva þakka Finnboga vel unnin störf og óska honum velfarnaðar á nýjum vettvangi. Nýr formaður félagsins er Jón Kjartan Jónsson.

10.06.06

Staða fiskeldis á Íslandi.  Erindi frkvstj. Landssambands fiskeldisstöðva á hádegisverðarfundi útflutningshóps FÍS, miðvikudaginn 7. júní s.l. Sjá glærur.....

26.05.06

Einar Kristinn Guðfinnsson sjávarútvegsráðherra skoðaði sýningarbás Landssambands fiskeldisstöðva á sjávarútvegssýningunni í Brüssel á þriðjudaginn 9. maí s.l.

Þar var ráðherranum kynnt starfssemi Landsambandsins í markaðsmálum á bleikju. Þetta er í fyrsta sinn sem Landssambandið er með kynningu á bleikju á sjávarútvegssýningunni í Brussel. Bleikjan vakti þó nokkra athygli sýningargesta.

24.05.06

Erindi flutt á aðalfundi Landssambands fiskeldisstöðva 23. maí 2006:  

   - Heilbrigðismál í fiskeldi.  Gísli Jónsson dýralæknir.  Sjá glærur...

   - Rannsóknir í fiskeldi.  Dr. Albert Kjartan Imsland.  Sjá glærur...

   - Icecod verkefnið.  Theódór Kristjánsson. Sjá glærur...

   - Bleikjuráðstefna, 27. október n.k.  Valdimar Ingi Gunnarsson.  Sjá glærur...

   - Markaðssetning á eldisfiski frá Íslandi.  Guðbergur Rúnarsson.  Sjá glærur...

   - Fóður sem uppfyllir staðla fyrir lífrænt eldi. Dr. Jón Árnason.  Sjá glærur...

3.05.06

Ráðstefna um framtíðarsýn og stefnumótun í íslensku bleikjueldi verður

haldin í Bíósalnum, Hótel Loftleiðum, föstudaginn 27. október 2006. Fara inn á heimasíðu áðstefnunar.

18.04.06

Aðgerðir vegna stöðu fiskeldis. Fulltrúar landbúnaðar-, sjávarútvegs- og iðnaðarráðuneytis hafa átt fundi, m.a. með fulltrúum fiskeldisfyrirtækja, til að átta sig á stöðunni og leggja á ráðin varðandi aðgerðir til stuðnings greininni. Ná í skjal.

18.04.06

Samherji kynnir áform sín í fiskeldi í kjölfar ákvarðanna ríkisstjórnarinnar um aðgerðir til stuðnings við fiskeldi. Ná í skjal.

27.01.06

Leiðbeiningar um áhættumat og viðbragðsáætlanir. Ná í skjal.

20.01.06

Sæsilfur hættir laxaframleiðslu árið 2008.  Slæm efnahagsskilyrði s.s. hátt gegni íslensku krónunnar og hátt raforkuverð knúði fram þessa ákvörðun stjórnar Sæsilfurs. Sæsilfur er stærsti laxaframleiðandi á Íslandi og slátraði 3600 tonnum á nýliðnu ári.  Sjá fréttatilkynningu.

28.10.05

Stöðugar framfarir í framleiðslu þorskseiða.

Hafrannsóknastofnunin á Stað við Grindavík framleiðir þorskseiði fyrir eldi. Undanfarin þrjú ár hefur framleiðslan verið í kringum 200 þúsund seiði á ári. Með stækkun á núverandi starfsemi er mögulegt að framleiða allt að 6 milljónir seiða á ári í einni 5.000 ferm. eldisstöð en það er nægilega mikill efniviður til að framleiða allt að 20 þúsund tonn af þorski.

Framleiðsla þorskseiða á Stað er hluti af kynbótaverkefni IceCod ehf, sem er í eigu Hafrannsóknastofnunar, Stofnfisks hf, Fiskeyjar ehf og Þorsks á þurru landi ehf. Helstu kaupendur þorskseiða eru Salar Islandica á Berufirði, Síldarvinnslan á Neskaupsstað og Háafell á Nauteyri við Ísafjörð.

Vaxtargeta seiðanna hefur aukist með hverjum árgangi. Búast má við að 2005-árgangurinn muni ná 4 kg sláturstærð á tveimur og hálfu ári frá klaki.

Á næsta ári er von á fyrstu kynslóð kynbættra seiða með aukin vaxtarhraða sem lækkar framleiðslukostnað hjá eldisfyrirtækjum og eykur líkurnar á að eldið skili viðunandi arðsemi.

Úr fyrirlestri sem Agnar Steinsson flutti á ráðstefnunni "Cod Farming in Nordic Countries".Glærur er að finna á: http://www.fiskeldi.is/codconference.html

17.10.05

Embætti Yfirdýralæknis lét taka 24 sýni af landbúnaðarafurðum til mælinga á díoxínum, díoxínlíkum PCB efnum og svokölluðum bendi-PCB efnum árin 2003 og 2004. Niðurstöður mælinga benda til þess að íslenskur eldisfiskur innihaldi um 1/10 af gildandi mörkum (4pg/g WHO-TEQ blautvigt) fyrir díoxín í fiski og jafnast hann við eldisfisk sem hefur lægsta innihald af díoxín og díoxínlíkum PCB- efnum í N – Ameríku, Evrópu og Chile. Sjá greinargerð með niðurstöðum úr vöktun á díoxínum.

2.08.05

Vísindaráð EFSA (European Food Safety Authority) hefur að beiðni Evrópuþingsins rannsakað heilsufarsáhættu almennings vegna neyslu á eldis- eða villtum fiskum. EFSA hefur komist að þeirri niðurstöðu að með tilliti til heilsufarsáhættu sé engin munur á villtum- eða eldisfiskum. Sjá samantekt EFSA.

1.06.05

Aðalfundur LF var haldinn 31. maí s.l. í Húsi atvinnulífsins, Borgartúni 35.  Finnbogi Jónsson formaður samtakanna setti fundinn og flutti skýrslu stjórnar. Vigfús Jóhannsson tók síðan við fundarstjórn.   Ársreikningur félagsins var lagður fram og samþykktur.  Formaður, meðstjórnendur og varamenn frá 2004 voru einróma endurkosnir.

Erindi á aðalfundi:

Gísli Jónsson dýralæknir - Skaðlegir sjúkdómar og varnarráðstafanir. Glærur

Helgi Thorarensen - Fiskeldisrannsóknir á bleikju o.fl. á Hólum. Glærur

Ph.d. Rannveig Björnsdóttir - Rannsóknir og þróun á fóðri fyrir lúðu- og þorskseiði.  Glærur

Valdimar Ingi Gunnarsson - Staða þorskeldis í Noregi.  Glærur

Þórarinn Ólafsson - Staða þorskeldis á Íslandi. Glærur

Árni Ólafsson - Markaður og vinnsla eldisfisks frá Íslandi.  Glærur

Umræður og fyrirspurnir.

21.01.05

Upplýsingavefur um fiskeldi.  Verkefnið Aquatour hjá Federation of European Aquaculture Producers er lokið.  Þetta er almennur upplýsingavefur um fiskeldi, m.a. þorskeldi.  Mögulegt er að fara inn á vefin hér á síðunni með því klikka á flipann <Eldi> hér til vinstri.

14.01.05

RF fær 5 milljónir til uppbyggingar sjókvía-rannsóknamiðstöðvar Sjá frétt

13.12.04

Rækjueldi Orkuveitu Reykjavíkur lofar góðu.  Undanfarin ár hefur OR ásamt fleirum, staðið að tilraun til ræktunar á risa-rækju og byggt á þekkingaryfirfærslu og reynslu frá Nýja Sjálandi. Skoða frétt

26.10.04

Ráðstefna haldin af Fiskeldishópi AVS og Landssambandi fiskeldisstöðva á Hótel Loftleiðum , 22. október 2004.  Rúmlega 150 menn og konur sóttu ráðstefnuna. Skoða erindi

25.10.04

Fiskeldisskýrslan, Staða og framtíðaráform í Íslensku fiskeldi kom út 21.10. 2004. Ná í skýrsluna

31.08.04

Hver er munurinn á fiskeldi í Chile og Noregi?  Ná í skýrslu Kontali.

24.08.04

Evrópusambandið hefur undanfarna mánuði haft til meðferðar beiðni Bretlands um að gripið verði til verndaraðgerða (safeguard measures) gegn innflutningi á eldislaxi. Framkvæmdastjórn Evrópusambandsins hefur nú tekið ákvörðun um að gripið verði til bráðabirgðaverndarráðstafanna gegn innflutningi á eldislaxi og munu aðgerðirnar gilda í 200 daga eða frá og með 15. ágúst 2004 til 6. febrúar 2005. Sjá reglugerð Evrópusambandsins.

16.08.04

HB Grandi tekur virkan þátt í uppbyggingu fiskeldis á Íslandi og á meðal annars rúmlega 70% hlut í fiskeldisfyrirtækinu Salar Islandica á Djúpavogi sem ræktar fisk í Berufirði.  Greint er frá þessu á heimasíðu HB Granda.  meira

3.08.04

Ákvörðun Evrópusambandsins um bráðabirgðaráðstafanir og tollkvóta á eldislaxi.  Aðgerðir hefjast í júlí og standa yfir í 200 daga. meira

5.05.04

Víða má hagræða í opinberu eftirliti
Ari Edwald, framkvæmdastjóri Samtaka atvinnulífsins, kynnti nýja skýrslu samtakanna á aðalfundi þeirra, Eftirlit með atvinnustarfsemi – tillögur til úrbóta.
meira

3.05.04
Aðalfundur Landssambands fiskeldisstöðva var haldinn þriðjudaginn 20. apríl, s.l. í Húsi atvinnulífsins, Borgartúni 35

Kosinn var nýr formaður, stjórn og varamenn. Þeir eru:

Finnbogi Jónsson - Íslandslaxi hf. , formaður.

Vigfús Jóhannsson - Stofnfiski hf.

Jónatan Þórðarson - Silungi hf.

Jón Kjartan Jónsson - Sæsilfri hf.

Arnar Freyr Jónsson - Fiskey ehf.

Varamenn:

Benedikt Kristjánsson - Silfurstjörnunni hf.

Jóhann Geirsson - Fiskeldinu Haukamýrargili.

Gunnar Steinn Gunnarsson – Salar Islandica hf.

LF stóð fyrir fundi um fiskeldismál

Fundurinn sem var haldinn í tengslum við aðalfundi LF, 20. apríl s.l. var fjölmennur og mættu u.þ.b. 50 menn og konur á fundinn. Guðni Ágústsson, landbúnaðarráðherra ávarpaði fundarmenn.

Fráfarandi formaður, Vigfús Jóhannsson sagði nokkur orð og stjórnaði fundinum.
Sigurður Helgason, fisksjúkdómafræðingur hjá Tilraunastöð HÍ í meinafræði flutti áhugavert erindi um helstu sjúkdóma sem er að finna í fiskeldi.
Guðmundur Valur Stefánsson, framkv.st. Sæsilfurs og Gunnar Steinn Gunnarsson , framkv.st. Salar Islandica gerðu grein fyrir upphafi laxeldis, stöðu og framtíð þess á Íslandi.
Jónatan Þórðarson framkv.st. Silungs flutti erindi um stöðu bleikjueldis og framtíðarhorfur þess.
Valdimar Ingi Gunnarsson fiskeldisráðgjafi var með erindi um þorskeldi.
Arnar Jónsson hjá Fiskey flutti erindi um annað eldi þ.e. um lúðu, sæeyru, sandhverfu og hlýra. Eftir góð erindi var fundamönnum gefin kostur á að varpa fram spurningum til framsögumanna.   Að lokum sagði nýkjörinn formaður LF, Finnbogi Jónsson nokkur orð og þakkaði m.a. fyrrverandi formanni, Vigfúsi Jóhannssyni fyrir gott starf sem formaður LF í rúman áratug.

5.05.04

"Stórhættulegur" eldislax.  Grein eftir Pétur Bjarnason, 12. ágúst 2003. meira