Landssamband fiskeldisstöðva (LF) eru samtök fiskeldisgreinarinnar á Íslandi.

LF hefur það meginmarkmið að skapa eldisfyrirtækjum hagstæð skilyrði til að þróast og bera arð.

Verkefni LF lúta m.a. að ákvörðunum stjórnvalda sem hafa bein áhrif á afkomu fyrirtækja, jafnt á innlendum sem erlendum vettvangi.

Mikilvægt er að flest eldisfyrirtæki á Íslandi séu innan vébanda LF svo að sambandið endurspegla vilja og viðhorf greinarinnar í heild.

Frá sjónarhóli stjórnenda og eigenda hvers fyrirtækis er áríðandi að LF séu öflug samtök.


Helstu ástæður og rökstuðningur fyrir að sækja um aðild í LF eru m.a:

1. Fiskeldismenn þurfa að hafa styrk og getu til að hafa áhrif á stefnu stjórnvalda í fiskeldismálum á hverjum tíma.

2. LF er tengiliður fiskeldismanna við stjórnvöld.

3. Fiskeldið fellur í megin atriðum undir þrjú ráðuneyti; landbúnaðar-, umhverfis- og sjávarútvegsráðuneyti og tilheyrandi eftirlitsstofnanir.

4. Reglugerðir og eftirlit valda oft ágreiningi sem greinin þarf skoða og finna skynsamlegar lausnir á.

5. Starfsleyfismál eru flókin og reynsla annarra getur reynst dýrmæt.

6. LF hefur á liðnum árum verið með fjölmarga starfandi faghópa. Nú er starfandi faghópur um gæðamál í fiskeldi.

7. LF er rekið af Samtökum fiskvinnslustöðva (SF) sem er aðili að og hefur fulltrúa í Samtökum atvinnulífsins (SA).

8. SA eru öflugur málsvari löggjafar, atvinnustefnu og í vinnuverndar- og vinnuréttarmálum, efnahagsstjórnun, skatta- og samkeppnismálum, umhverfis- og jafnréttismálum, rannsóknar-, þróunar- og menntamálum. Með inngöngu í LF er þú jafnframt félagi í SA.

9. Starfsfræðslunámskeið verða haldin fyrir starfsmenn fiskeldisstöðva.

10. Mikilvægt er fyrir alla eldismenn að standa saman um allt eldi og byggja upp þróttmikla og sjálfstæða starfsgrein.